Mwynhewch y golygfeydd o'r T10

Mae'r llwybr T10 rhwng Bangor a Chorwen trwy Fetws-y-Coed yn rhedeg trwy ran o Barc Cenedlaethol Eryri sy’n anhygoel hardd.  Gadewch i ni wneud y gyrru fel y gallwch chi eistedd yn ôl, ymlacio a mwynhau’r golygfeydd.

Pethau i'w gwneud ar hyd y llwybr

Bangor
Ewch i ddinas hynaf yng Nghymru.  Ewch am dro ar hyd Pier y Garth neu ymweld â'r gadeirlan. Mae'r ddinas hon yn llawn hanes ond mae ganddi naws fodern hefyd oherwydd ei phoblogaeth myfyrwyr.

Betws-y-Coed
Mae Betws-y-Coed yn baradwys i gerddwyr. Mae'r gyrchfan fynydd gwych hon, sydd wedi'i lleoli yn Nyffryn Conwy, yn cynnwys digonedd o deithiau cerdded ar gyfer pob oedran a gallu gan gynnwys Pontydd Betws-y-Coed a Rhaeadr Ewynnol.  Mae siopau annibynnol, caffis, bwytai a thafarndai yn y dref.

Llyn Ogwen
Mae’r llyn hwn rhwng mynyddoedd y Carneddau a'r Glyderau ac mae'n cynnig golygfeydd ysblennydd.  Mae llwybr cerdded cylchol o gwmpas y llyn tua 2.9 milltir (4.64km) o hyd, neu gallech fwynhau diod o'r ganolfan ymwelwyr a mwynhau'r golygfeydd.

Corwen
Mae'r dref hon o dan Fynyddoedd y Berwyn ac wedi cysylltu â hanesion am Owain Glyndŵr, yr arwr Cymreig a arweiniodd wrthryfel yn y 15 ganrif. 

Ymunwch â llwybr Coed Pen y Pigyn trwy goetir hynafol i gerfluniau o anifeiliaid a cheisiwch weld gwiwerod coch sy'n brin yng Nghymru.

Ffansio rhywbeth gwahanol?

Zip World Chwarel Penrhyn 
Beth am brofi rhywbeth gwahanol gyda gweithgareddau yn Zip World Chwarel Penrhyn, o wibio i lawr wifren wib gyflymaf y byd neu gartio o fewn y chwarel.

Go Below Underground Adventures 
Mae sialens Go Below yn cyflwyno cyfres o rwystrau cyffrous ar daith danddaearol. Byddwch yn ymweld â llynnoedd glas dwfn a cheudyllau aruchel yn eich antur danddaearol gyda llinellau gwibio, dringo creigiau, abseilio a mwy.

Sut i dalu am eich siwrnai ar y T10

Fel holl lwybrau TrawsCymru, gallwch dalu am eich taith bws gydag arian parod neu gerdyn trwy daliad digyswllt neu dapio i mewn a thapio allan ar bob bws.  Mae tocynnau dydd ac wythnosol ar gyfer y llwybr cyfan ar gael ar ein ap yn ogystal â  phecyn o 5 docyn dydd i'r rhai sy'n teithio nawr ac yn y man. 

Gallwch hefyd brynu'r tocyn 1bws ar fwrdd y bws neu drwy'r dull tapio i mewn a thapio allan ar y llwybr hwn sy'n capio eich tocyn dyddiol a byddwch yn talu  dim mwy na £7.00.  Mae’r tocyn yma a thapio i mewn a thapio allan ar gael ledled Gogledd Cymru sy'n galluogi cwsmeriaid i neidio ar bron unrhyw fws ar draws y rhanbarth, nid dim ond gwasanaethau TrawsCymru, gan ddefnyddio un tocyn yn unig.  Mae tocynnau wythnosol hefyd ar gael am ddim ond £30.00.  Darganfyddwch fwy am y tocyn 1bws yma.

Amserlen

Mae'r gwasanaeth T10 yn rhedeg bob awr ar benwythnosau a gwyliau ysgol rhwng Ebrill a Hydref.  Gwelwch yr amserlen yma. Mae amserlen wahanol yn rhedeg yn ystod y gaeaf.