Rhoi ein cwsmeriaid yn gyntaf gyda diweddariadau teithio personol

10 mis yn ôl Wed 7th Jan 2026

Rhoi ein cwsmeriaid yn gyntaf gyda diweddariadau teithio personol

Pleser yw gallu cyhoeddi bod diweddariadau teithio personol ar gael ar ein ap.

I filoedd ohonom yng Nghymru, mae teithio ar fysiau yn rhan hanfodol o fywyd bob dydd. P'un a ydych chi'n teithio i'r gwaith, yn mynd i siopa neu'n ymweld â ffrindiau, mae darparu diweddariadau teithio ar gyfer gwasanaethau TrawsCymru yn hanfodol ar gyfer taith esmwyth.

Er gwaethaf ein hymdrechion gorau i wneud teithiau mor esmwyth â phosibl, gall amhariadau heb eu cynllunio godi sydd y tu hwnt i'n rheolaeth. Pan fydd yr amhariadau hyn yn digwydd, mae'n bwysig y gallwn rannu'r manylion gyda chi mor gyflym â phosibl. Gall diweddariadau teithio personol sy'n seiliedig ar hysbysiadau gwthio ein helpu i wneud hyn a'ch rhoi chi, y cwsmer, yn gyntaf. Sut gall hyn fod o fudd i chi a'ch busnes?

  • Bydd gwybodaeth yn cael ei theilwra i chi ynghylch y daith yr ydych chi arni
  • Bydd diweddariadau teithio yn berthnasol i'ch ardal leol
  • Bydd cynllunio teithiau yn dod yn fwy effeithlon - gallwch gynllunio o gwmpas unrhyw darfu
  • Byddwch yn derbyn cyfathrebiadau mewn ffordd glir a thryloyw
  • Bydd diweddariadau'n cael eu hanfon yn uniongyrchol i'ch ffôn yn hytrach na gorfod edrych ar wahanol sianeli cymdeithasol

I gael rhagor o wybodaeth, dilynwch y camau hyn:

  1. Agorwch ap TrawsCymru a chliciwch ar y ddewislen (3 llinell yn y chwith uchaf)
  2. Dewiswch Amserlenni i ddod o hyd i'r safle bws neu'r gwasanaeth rydych am gael diweddariadau yn ei gylch
  3. Cliciwch ar y seren yng nghornel dde'r dudalen. Bydd hyn yn rhoi'r gwasanaeth yn eich ffeil ffefrynnau. Dewiswch safle bws a chliciwch ar y seren eto i roi safle bws penodol yn eich ffolder ffefrynnau.

Yna anfonir hysbysiadau rhybudd pan fydd tarfu heb ei gynllunio yn cael ei greu, gan roi manylion i chi am eich taith.

Mae ein ap ar gael i'w lawrlwytho ar iOS ac Android - gallwch ddysgu mwy am yr ap yma.