Sut i ddathlu Dydd Miwsig Cymru (Diwrnod Cerddoriaeth Gymraeg)

Sut i ddathlu Dydd Miwsig Cymru (Diwrnod Cerddoriaeth Gymraeg)

Yn aml iawn, gelwir Cymru yn ‘wlad y gân'. Mae canu yn cael ei ystyried fel rhan greiddiol o'n hunaniaeth genedlaethol. Dyma un o nifer o resymau pam y dylech ddathlu Dydd Miwsig Cymru, a gynhelir ar 13 Chwefror.

Cafodd ei lansio nôl yn 2013 ac mae Dydd Miwsig Cymru yn dathlu cerddoriaeth Gymraeg yn ei chyfanrwydd, o gerddoriaeth werin a hip hop i roc indie. Mae'n ein hannog i hyrwyddo'r Gymraeg nid yn unig drwy gerddoriaeth ond yn ein hiaith bob dydd (ond yn enwedig drwy gerddoriaeth). Darllenwch ymlaen i ddarganfod sut a ble y gallwch chi ddathlu Dydd Miwsig Cymru.

Sut i ddathlu Dydd Miwsig Cymru

Beth yw’r ffordd hawsaf o ddathlu Dydd Miwsig Cymru? Ehangu eich gorwelion cerddorol a gwrando ar ganeuon gan fandiau Cymraeg. Mae cerddoriaeth Gymraeg yn rhychwantu pob genre - mae rhywbeth at ddant pawb.

Rhannodd yr actor Cymraeg Rhys Ifans ei hoff ganeuon Cymraeg o restr o ganeuon a drefnwyd yn arbennig ar gyfer Dydd Miwsig Cymru. O'r Super Furry Animals i'r gân eiconig Yma o Hyd, gallwch ddathlu amrywiaeth cerddoriaeth Gymraeg drwy gydol y flwyddyn.

Awydd noson allan i ddathlu Dydd Miwsig Cymru? Cynhelir digwyddiadau ledled Cymru, gan gynnwys Caerdydd, Abertawe, Bangor, Dolgellau a Wrecsam. Gallwch ddod o hyd i fanylion rhagor o ddigwyddiadau yma.

Un lle rhagorol i ddathlu Dydd Miwsig Cymru yw Clwb Ifor Bach, prif leoliad cerddoriaeth llawr gwlad Cymru. Ar 13 Chwefror, bydd y clwb yn dathlu'r diwrnod trwy drefnu digwyddiadau ar draws tri lleoliad yng Nghaerdydd. Ymwelwch â Chlwb Ifor Bach, Boho Caerdydd a Tiny Rebel am £5 yn unig a mwynhewch noson o gerddoriaeth Gymraeg. Hygyrch, fforddiadwy ac yng nghanol y brifddinas - allwch chi ddim ei guro!

Ble i ddathlu cerddoriaeth Gymraeg

Y tu hwnt i Ddydd Miwsig Cymru, mae digon o fannau ar draws Cymru lle gallwch fwynhau cerddoriaeth Gymraeg a'r iaith Gymraeg.

Caerdydd (T1C)

Mae Canolfan Mileniwm Cymru yn ganolbwynt diwylliannol sy'n cynnig ffyrdd o gofleidio diwylliant Cymru yn gyson, o sioeau cerdd i theatr.

Ychydig y tu allan i ganol y ddinas, mae Chapter. Yn ganolfan ryngwladol ar gyfer y celfyddydau a diwylliant cyfoes, mae Chapter yn cynnal amrywiaeth o berfformiadau Cymraeg, o gerddoriaeth i gomedi.

Aberystwyth (T1, T2/T28, T5)

Mae'r Bank Vault yn Aberystwyth yn lleoliad cerddoriaeth fyw poblogaidd sy'n cynnal amrywiaeth o ddigwyddiadau trwy gydol y flwyddyn, gan gynnwys perfformiadau Cymraeg. Wedi'i leoli ar gampws y brifysgol mae Canolfan y Celfyddydau Aberystwyth, sy'n cynnal cyngherddau cerddoriaeth fyw gan gerddorion a pherfformwyr lleol.

Dolgellau (T3C)

Gan droi'r strydoedd yn llwyfan, mae Dolgellau yn cynnal yr ŵyl ddwyieithog boblogaidd Sesiwn Fawr Dolgellau bob blwyddyn ac yn hyrwyddo'r sin gerddoriaeth Gymraeg. Mae lleoliad cerddoriaeth leol Tŷ Siamas yn trefnu digwyddiadau gydag artistiaid o bob rhan o Gymru - os byddwch yn ymweld â Dolgellau yn yr haf, mae perfformiadau awyr  agored yn aml yn cael eu llwyfannu.

Caerfyrddin (T5)

Mewn cornel gudd o Gaerfyrddin mae trysor a lleoliad cerddoriaeth ar lawr gwlad arobryn, CWRW. Yn dafarn fach ond bywiog, mae CWRW yn gartref i berfformiadau cerddoriaeth fyw, stiwdio recordio a nosweithiau cwis.

Bethesda (T10)

Mae Neuadd Ogwen yng nghefn gwlad Bethesda yn cynnal amrywiaeth o ddigwyddiadau drwy gydol y flwyddyn sy'n dathlu cerddoriaeth Gymraeg. Yn lle bywiog ac un sy'n canolbwyntio ar y gymuned, gallwch wrando ar artistiaid lleol newydd a sêr rhyngwladol fel y grŵp hip-hop eiconig o Gymru, Goldie Looking Chain.

Yng ngeiriau Rhys Ifans, mae cerddoriaeth Gymraeg yn “fynydd aur o fyd cerddorol - ewch ati i gloddio.” Felly, beth am ddechrau cloddio gyda Trafnidiaeth Cymru / TrawsCymru. Gallwch gynllunio eich taith yma: https://traws.cymru/cy